sábado, 30 de enero de 2010

Engari hei tīmatanga!


Kia ora, e te Whānau!

Kua whakarite au ki te tuhituhi kōrero mo te haerenga o ngā tuākana o te kura ki Tūhua. Otirā, ehara i te tīmatanga i whakaarohia ai!

No te 5:00 tonu i te ata nei maranga ai. Ka haere tika ki te ngāwhā kohikohi ai i ngā whakaaro – he āwangawanga nōku ki tēnā, ki tēnā. Ka puta, ka tahuri ki te tunu pihïkete. I te whakaaro au me tūpato kei mau ki Tūhua i te kino o te moana. Kīhai rawa au i te mōhio ki te tika o taua whakaaro!

Ka rite te kawhe, ka noho ki te matapihi titiro atu ai ki te ua. Kātahi te waea ka tangi… ko te wahine no te waka, no Te Kuia. Ko tāna, kua kino rawa ngā ngaru i te moutere, e pupuhi ana te hau i te rāwhiti mā tonga. Hei āpōpō pea…